الدمع ولو إنو حلف ما يفارق عيني
تراه من قلبي نبع من شدة خفقانه
ولو إني للبوح ما أنا من يشكي أنيني
إلا لخالقي هو أدرى بما تسكبه مداميعي
آه يا عيني لو تدري
قلبي من فراقها صار يتقطع
و نبضه صار مثل القطر
ما تشبع مسار شراييني
صدري خنقته ضلوعي
كثر ما تتوهم تحضن معاليها
آه يا من تتق لك النفس و الأحاسيس
يا من بلحظك الروح تلقى متيمها
و الجفن يتمدد عساه للعين يدنيك
و اليد تتطاول عساها تلامس ميادينك
آه يا من يِحَيِّر الشوق بين الضلوع
يا من بخلخالك أثرتي حنيني
لذاك الحس إلي تهواه مساميعي
بكل رنة يهتز عودي
و يترنم بلحن يحيي مواويلي
آه لو فيك تسكني مواجيعي
آه لو ترضي تستمعي لمراسيلي
توصلك حروف كتبتها بدمي
من شدة الشوق لعيونك
علها تقبل برمشها تراعيني
آه لو فيك
أضمك لصدري و بضلوعي أرسيك
آه لو فيك
أقبل شفاهك و بثغري ألاقيك
آه لو فيك
أمسك بخصرك و أناملي تغويك
لحد ما تلاصقني
و روحي بأنفاسك ترفرف
مثل الفراشة تراجيك
Aucun commentaire:
Enregistrer un commentaire