samedi 18 août 2012

الكرسي المشؤوم


الكرسي
الكل يحب عالكرسي
يعمل أحزاب و أنصار
لافتات و أفراح
يغير القانون
يحور الدستور
الكل يجوز في سبيل الكرسي
يبيع الغالي و الرخيص
من أبناء و أحباب
حتى ضمايرنا و حقوقنا
ما فماش ما يغلى على الكرسي
كل شيء يهون
يحرم ناس
يحرق ناس
يسرق أموال و أرزاق الناس
يحلل الحرام و نحرم الحلال
يصاحب الشيطان
غير ما ياخذوش منو الكرسي
أما أنا إلي جالس في الكرسي
مرغم
لأنو إمتلك جسمي
وصار يؤمر و يحكم
من يوم ما صاحب الكرسي أمر بقتلي
ليبقى فالكرسي
أصبحتو أنا مقعد
و مستعد أدفع عمري
لأخلص من الكرسي
شرط آقف من جديد
و أترك الكرسي
أنا طريح
أنا جريح
فاقد القدرة على الحراك
على الحياة
أنا لم أبحث يوما عالكرسي
و لم أحب من يجلس بالكرسي
أنا حبيت أعيش حرا كريما
من أجل بلدي
من أجل أولادي
فأهداني صاحب الكرسي
كرتوشة وحدة ألزمتني الكرسي
لآخر عمري
يا ريت ياخذ الكرسي
ولا أجلس يوما هذا المجلس
ناس ترتاح فالكرسي
و ناس تتعذب بالمكوث فالكرسي
ساعات يعطي الكرسي النفوذ
و ساعات ينزع حتى حق الوجود


Aucun commentaire:

Enregistrer un commentaire