jeudi 19 juin 2014

#شعر_شعبي_تونسي



 يا هازة القلة

بالله لا تحرميني هالطلة

بخنوقك كي ريش العصفور

و حرامك يهز العقل

يفوح ريحتك تقول فلة

و لا ياسمين يتجلى



يا وردة في جنينة

لبسك زاد فيك الشطر

حرام حرير ابيض يتدلى

بلوزة حمرة مطروزة

على حزام باهي للوان

و ضحكة تهز العقل بكله



يا زينة الزينات يا مسمية

خطوتك تقول حمامه

و الا غزال شرد الثنية

رنة خلخالك تقول زلزال

و الا بابور شق البحر عوام



يا كحلة العين

يا مضحك التبروري

شعرك تقول ظلمة الليل

جبهتك كينها مرتع الخيل

و حاجبك كي جناح الطير

سبحان الخلاق فيما صور

Aucun commentaire:

Enregistrer un commentaire