قلبي

مَلْقَاشْ القَلْب لِشْكٌونْ يَحْكِي أَوْجَاعَه

و لا رَضَاْت الرٌّوحْ تَسْمَعْ لِكَلَامَةْ و اِتْطِيعَةْ

تَلْقَاه جٌرُوحَةْ دَامِيَةْ وَ بلِيغَةْ

وَ مَاعَادْ يَنْفَعْ فِيهْ الدَّوَى  

نَارْ في الجَاشْ قَايَدَةْ

كَلَاتْ كُل أَمَلْ فِي تَمْنِيعَهْ

قَالِتْ مَلِّيتْ من حُبْ قَطَعْلَه وِصَالَةْ

و فَدِّيتْ مِنْ كَلَامْ مَلْقِيتْ ليه مَرَدَّةْ

لُوكَانْ الحُبْ بِالقَهْر و المَذَلَّةْ

تَوَلِّي المُوتْ أَهْوِنْ و أَرْتَحْ

يا قَلْبِي وَصِّيتِكْ أَلِفْ مَرَّة

إِسْهِلْ عَلِّي يَحْفِظِكْ و يِصُونِكْ

حتى إِذا يَجْرِحِكْ

تَدْمَعْ عِيُونَه قَبِلْ عِيُونِكْ

و ما تِسْهِلْش عَلِّي يِضَحِّكِكْ بَاشْ يِخُونِكْ

تِشْرِيهْ بِالمَلَايِينْ و هُو بِسُورْدِي يِبِيعِكْ

قُتْلِكْ إِسْتَنَّى

الحُبْ مَا يِجِيشْ بِالغَصِبْ و المِتْعَنَّى

وِلِّي تِوَالْفُو الرُّوحْ

يُسْكِنْ في القَلْب و يِتْهَنَّى

و تِتْسَكِّرْ عَلِيهْ الجُفُونْ و تِتْمَنَّى

يِجْرِي في عُرُوقِهَا و يِسْكِرْهَا