ساعات
الواحد يحب يمشي في طريق
ما تبانلوش نهايتها
مع إنوا تايه و موش عارف توصلوا إلفين
المهم يواصل طريقو
من غير ما يتلفت للي فات
لأن إلي فات فيه جروح
موش ممكن تفتح من جديد
ساعات
ننزل للبحر
من غير ما نعرف نعوم
المهم يغطي الماء جسمنا
يخبي مساوئنا
يغرق آمال و أحلام
عشنا الدهر كلو
نرسم خطوطها
و ما طلناش منها غير أحزان و هموم
ساعات
نهرب للصحرى
و نحس إن الموت أقرب
و ماعادش فيه حياة
فراغ من حولنا
من الخلف و من قدام
يخليك تحس بالضياع
نصرخ من غير أمل
حد يحس بينا و يسمعنا
تقول آخر الدنيى
ولا بداية الكون
ساعات
نبقى في مكان عادي جدا
مكان يجمعنا كل يوم
فما زهور من الجنة
فل و ياسمين
تتفتح كل يوم
فما بخور و عنبر
يعطر زنقتنا
و يخليها أجمل ما في الكون
فما ضوضاء دايمة
"برنية" تنادي ولدها
إلي على خاطرو باعت دارها
إلي على خاطرو باعت دارها
باش يخرج من الزنقة لأروبا
فإبتلعو البحر من سنين
و "عم صالح" يسب و يلعن
في الأماريكان و الروم
و غيرهم كثير
زمامر و طبول
ترتاح ليها مسامعنا
و ما نقدرش نعيش من غيرها
لأننا نحس فيها بالحياة
فيها ناس تحبنا
و تصبح و تمسي كل يوم
موش ممكن نصبر عليها
ولا من ضحكتها نقدر ننام محروم
حبها ساكن قلبنا
و إشتياقنا ليها في كل ساعة يزيد
ويدوم
Je pense à une très belle chanson émouvante parlant du temps et ce qu'on en retient qui disait :
RépondreSupprimer...Te raconter enfin qu´il faut aimer la vie
Et l´aimer même si le temps est assassin
Et emporte avec lui les rires des enfants...
voici le lien pour le clip vidéo :
http://www.youtube.com/watch?v=okJlIP1bdgw
Enjoy !