كلمة واحدة
ممكن تغير كل حياتي
و دنيتي
ممكن تعوظ صبري و عذابي
و لوعتي
ممكن تسعد قلبي إلي من سنين
موش عارف إن كان ينعم بحرية
أو سجين بين إيديك
كلمة واحدة
موش أستنى غيرها
أفضل أعيش على سحرها
و أتمنى أسمع وقعها
كنت أشوفها كل يوم في عينيك
كنت أحس بيها في لمسة إيديك
كنت أعشقها في حركاتك
و إبتساماتك
و خفة مشيتك
كلمة واحدة
مش حديث طويل
و لا خطاب مثير
كلمة و ما فماش غيرها
ستكون إلكسير لذيذ
يشفي جروحي و آلامي
يعوض سنين إنتظاري
و تكمل أحلامي
إلي حلمتها من يوم كنت صغير
كنت أتمنى ألقاك
و اعيش على هواك
و اشرب من نبيذ شفاهك
ليسكرني
و يخليني ما أشوفش حد سواك
و لا أقدر أخطوا خطوة من غيرك
يخليني أتمنى رضاك
و اسعد بذكريات
جمعتني بيك لساعات
قصيرة
كانت تأخذني عن الوجود
ولن أستيقظ منها بعد سنين
Aucun commentaire:
Enregistrer un commentaire