شكون قتل شكري بلعيد

أبْعِثْ رِسَالِة سَلاَمْ و اِحْتِرَام

للشُّرَفَاء وَلادْ بِلادِي

مِنْ نِسَاءْ و رِجَالْ

إِلي تسَبُّوا و تضَرْبُوا

عَلى خَاطِرْ شُكْرِي بِلْعِيد

حَبُّوا يَعْرِفُوا شُكُون قَتْلُوا

و شُكُونْ إِلِّي يِحِبْ يِدَخِّلْ لِبْلادْ فِي حِيطْ

شُكُونْ اِخْتَارْ لاغْتِيَالْ

بَاشْ يِحِلْ مَشَاكِلَ لِبْلادْ

و إِلا بَاشْ يِصُبْ الزِّيتْ عَلَى النَّارْ

تِلْهِبْ و تِتْعَكِّرْ لَجْوَاءْ

نَحْنَ شُعْب لا نَهَابُ المَوْت

فِي الدِّفَاعْ عَلَى حُرِّيِةْ البِلادْ

نَحْمِيوهَا بِرَواحِنَا و أوْلادِنَا

و شُكْرِي وَاحِدْ مِنْ الكِبَارْ

إِلي تَبَرَّعْ بِعُمْرُو و دَمُّو

بَاشْ يِرْوِي أَرْضِكْ يَا بَلادِي

و تُنْبِتْ أجْيَالْ أحْرَارْ

تُدَافِعْ على الكَرَامَة و الحُرِّيَة

و حَقْ الزَوَّالِي فِي الحَيَاةِ

تِقْتَلُوا شُكْرِي وَ ألْفِ أخْرِينْ

و تُوِنسْ وَلاَّدَةْ أبْطَالْ

تُسْكُتُوا وَاحِدْ يَطْلِعُوا مَلاَيِينْ

وَ لا يَعِيشْ في تُونِس خَايِنْ

و لا مُسْتَبِدْ و لا ظَالِمْ

شَعْب عَزِيزْ و مِتْضَامِنْ

و تَارِيخُو غِنِيَّةْ بُوطُولاتْ

مَازِلْنَا بَاشْ نُخْرِجْ و نُطَالِبْ

و نَرْفَعْ كُلْ التَّحَدِيَّاتْ

شُكُونْ قِتَلْ شُكْرِي بِلْعِيدْ؟

هذا دِينْ فِي رَقْبِتْنَا

و اِعْتِرَافْ بِالجَمِيلْ

لِمَرْتُوا و بَنَاتُو

إلي جَفْ الدَّمِعْ مِنْ عِينِيهُمْ

و اخْتَارُوا مُوَاصِلِتْ الكِفَاحْ

إِمَّا يعِيشُوا حرَارْ مَرْفُوعِينْ الرَّاسْ

و إِلا يمُوتُوا وَلا حَدْ فِيهِمْ يِِنْدَاسْ