قداش من فم
يضحك من غير مروة
و قداش من دمعة تنزل من غير دوة
و قداش من
حبيب يمشي ضحية
في ضحكة من
سكرات السهرية
سكرات الشيخة
و العبد كيف
يشيخ ينسى رفيقة
تزهالا ليام
و القعيدة
و يصول و
يجول بتقنقينة
ينسى حبابوا
و كل من
والاه من صحابوا
يركز و يتكبر
و يقول انا البابا
و لا حد يسهل
على امالية
قداش من عين ما تراش كان الزازة
و قداش من فم
ما تنظفو كان سواكة
قداش من
طماع خانو طبعو
و جرى وراء
إلي بايع دموا
قتل الرفيق و
يتم بنتو
و سار بالصوت
يبكي على قبرو
بكاء هجاجل
و كان جاء من
الرجال ما يغدرش براجل
صنديد و اقف
تهابا
المراحيل و القوافل
و كلاما
تتناقلو المحافل
و تزغرد عليه
النساوين بحرية
قداش الليل
يطول كي تغيب نجومة
و قداش القمر
حنين في موازينة
و قداش العمر
يفنى في تشنشينة
تقول زهاتلي
ليام
طلعت المراد و الدفينة
كلمة جات
على لساني و ثنيتها
تشنشينة
لبستها للدين
ما واتاتا
سكنتها في
البيت ما حفضاتا
و رميتها
باليمين ما جازاته
انت طليقة
لعاد ليك في
المداين بيعة
و لا عاد ليك
في البيوت فتيلة
و لا عاد من يطمانلك و يطيعك
انت البية
كي يدور بيك العالم ما تتفيا
و لا تفنى الخيل في مواويلا
غدات الصحراء
مشات في طريق هاك الفقرا
و تعلمت طب لعشاب و تفنينة
وبرات بيدها مجانينة
برات الأمة
شالت بيدها كل من تجرح و سال دمه
ضمة ضمة سكنت لجروح بالضميدة
و تنزع على القلب همة
قداش من غريب
بنى في هالبلاد و عمر
و صار من أهل النصيب و المستثمر
لا يتجافا
مصان بين أهلة و ناسا
و لا حد يمس شعرة منة
بلاد العزة
تونس هي الراية و الأمة
و لا فيها من يخون الذمة
و لا فيها مين يقتل ولاد أمة
Aucun commentaire:
Enregistrer un commentaire