jeudi 4 juin 2015

#بالتونسي #تفريكة_بعد_نص_الليل 18/4/2015



توة فات الي فات

لا تقلي نسيت و لا غلطوني فيك

لا تقلي نحبك و لا المكتوب بعدني عليك

صارحني وأخطاك من التبلعيط



إي توة

صارحني و خليك سنباتيك

ياخي إلي بيننا حب و إلا بوليتيك

راني فديت من التمهطيل

مش قتلي راني نموت عليك؟



توة

حكمة السكرة

قريب نولي مجنون

قلي انقطع حوايجي

و نخرج احمر عريان

ولا انقطع عروقي

و الله يرحم هاك المغبون



توة

صارحني

ميسالش شلطني

و فرغ ادم الي فيا

من غير اتدحنيس

بالك الوجيعة تفيقني

و نرجع لهاك الي سموها

"رجولية"



توة

بالك نرجع لصلي

و ننسى المخده الي سلبتلي عقلي

بالك انبطل الزطلة

و هاك التهلويس إلي خلاني

تحت قنطرة نتكى



لا تقلي قاسيت الويل

باش نوصلك

العمر فات في قالي و قتلك

و ما ذقت من العشق

كان مرارة

طير الراس خلي تنشف عروقه


Aucun commentaire:

Enregistrer un commentaire