بهجة ليالينا

تَوَحَّشْتِكْ يَا نُورْ العِينْ

و قَلْبِي مَا يَهْوَى غِيرِكْ

تَعَبْنِي غِيَابِكْ يَا لِلَّةْ

وقْتَاشْ تَرْجَعْ و تَعَمَّرْ الدَّارْ

و تَكَفْكِفْ الدَّمْعَة من عِينِي

تَوَحَّشْتِكَ يَا لِلَّةْ البَيَّةْ

و قَلْبِي تَاهْ بِينْ يِدِيكْ

عَاشْ يِتْمَنَّى فِي رَنَّةْ

و إلا نَظْرَةْ مِنْ عِينِيكْ

وَقْتَاشْ تَرْجَعْ يا لِلَّةْ

و تَمْلاَ دَارِي بِالزَغَارِيدْ

تَوَحَّشْتِكَ يَلِّي سِحِرْتِينِي

و بِمَاءْ الوَرْد سَكَّرْتِينِي

مَا عَادْ نَقْدِرْ نشُوفْ غِيرِكْ

خِيْالِكْ سَبَبْ مُحُونِي و جُنُونِي

و عَذَابِي صَارْ بِينْ يِدِيكْ

تَوَحَّشْتِكْ يَا قَمْرِةْ سَمَايَةْ

سِنِينْ تَنَوَّرْ فِي لَيَالِينَا

اليُومْ ظَلاَمِةْ الدُّنْيَا فِي عِينِي

ما عَادْ إِنْدِلْ ثِنِيَّةْ

وَقْتَاشْ تَرْجَعْ يَا زِينَةْ

و تَمْلَى البَهْجَةْ لَيَالِينَا