12/02/2016
يا حسرة قلبي
وينو غرامي
وينو حبي
ليوم هبط عليا الكبي
و زاد المرض على ما بيا
طفات الشعلة من عينيا
و صوتي بلعتو في جواجيا
يا حسرة زماني
كنت نركض كي الخيالي
و ما تصعب عليا ثنية
ليوم وليت نوخر لتالي
و عكازي يرعش بين يديا
حتى بهيمي
ولى متشمت فيا
يا حسرة شبابي
وينو زهوي
وينهم اصحاب سهريات
الشراب و الفزاني
ليوم وليت وحداني
لا يد تمسح دموعي
و لا صاحب يسقيني
قطرة تحييني
يا حسرة هبالي
وينو شعري
وينو هاك الكلام إلي يتوزن بالغالي
ويني حبيبتي
هاك البنية إلي تشعل ناري
و تاخذ العقل إلي تبقالي
يا حسرة محوني
كل خد من خدودها
تقول وردة
شفايفها حبق
و الا فراولو
يذوب كي العسل في فمي
ايه يا حسرة
اليوم فقت
و وفات احلامي
