lundi 15 octobre 2012

سكون قاتل


ما أجمل البحر عند الغروب
في سكونه
في تسابق موجه الدءوب 
نحو الانتهاء
نحو الموت على الشاطئ
في هدوء
حين يبدأ الغرور
رحله هزت آمالا و أحلاما
حملتها أمواج
تحدّت أعماق البحور
و شدّة العواصف و الرياح
على مر الدهور
تزاحمت، تماسكت
حتى اصطدمت على الصخور
فغيرت مسارها 
بحثا على السكون
على شاطئ الأمان
بدا لها برّاقا
فشدها بطلعته اللامعة
و رماله الساحرة
لم يكن مرتفعا كالصخور
و لا غامضا كأعماق البحور
بل كان باسطا ذراعيه
مرحبا بالقدوم
اطمأنت و أسرعت في الوصول
فلا يغرنّك وجه مبتسم
ولا ذراع منبسط
يسلبك عقلك و يحملك للفناء
بل تأمل في قسوة الصخر
التي تدفعك،تردك، تهزمك
لكنها تبقيك، 
لتحاول هزمها من جديد
فالسكون خدعة
و الاطمئنان إليه موت
و الخوف شجاعة
و في اجتنابه نجاة
و في تمدد السبع و سكوته
تأهب للانقضاض على الفريسة
و في نبيح الكلب و عوائه
أمن و حماية لبيت صاحبه


jeudi 11 octobre 2012

ببساطة


سنين سارح بين الكاف القروان بوزيد و ططاوين، ندور بين المراحيل علي تملى العين و تسكن مكنوني، نسكنها تحت شفرة العين و ماعاد تغادر جفوني  
يا طايرة بين أرضين و لا وحدة فيهم شدتك، لازم في يوم تحطي ونغمزك برمشة العين، و في قفصي نحطك و نصونك،


ببساطة
أنا نحبك و نخاف عليك
أنا عشقتك و نموت عليك
ببساطة
أنت مزيانة و مسرارة
أنت مختلفة و سحارة
ببساطة
أنا مش ممكن نبعد عليك
أنا مستحيل نسلم فيك
ببساطة
أنت صعيب باش واحد يأثر فيك
أنت ما ينجم حد يلعب بيك
ببساطة
أنا كيف الطير تايه في الدنيى هذي
أنا نغني و جناحي يرد عليا
ببساطة
أنت نجمة ديما تشغل فيا
كل ما نقرب نلقاك بعيدة عليا
ببساطة
أنا فزعاك، بليد و ديما إنبنبي
أما في الرسمي
زوالي و محتاجك جنبي
ببساطة
إنتي زعبانة و تمشي بالخانة
أما في الرسمي
محتاجة لليسترك و يصونك
و يحميك من الكلاب الغدارة

mardi 9 octobre 2012

أنا الهوية



أنا لست ضحية
أنا إنسانة
أعيش في تونس الحرية
درست في أحسن الجامعات
و كنت دوما مثالا للوطنية
أنا الشرف
أنا القيم العربية
أنا رسالة الثقافة الإسلامية
لتدين كل الأفكار الرجعية
أنا أم الأمة العربية
أنا البنت و الأخت
أنا المرأة التونسية
أنا الفخر
أنا المربية المثالية
لست مقاسك
لست من يركع لمداسك
أغتصبت
مكرا و إحتيالا
و لم أدري أن الحامي
كلب أعور و ذليل
 غادرو خوّان
أنتهك شرف الحرية
فلم تحمني عربيتي اللغوية
و لا ديانتي الإسلامية
تقطعت أجزائي
و صارت مرمية للكلاب
و جاء جلادي مولولا
أتكفرين أيتها التونسية؟
أنت قذارة الليبرالية
أنت لهيب الديمقراطية
لا تعني الأمة الإسلامية
إرحلي، دون إدعاء
فلن تنالي حقا في بلادي
إلبسي بقاياكي و إرحلي
أجبت،
بدموع كالجمر تكسوا خدي
و رئسي للسماء مرتفعا
شامخا
ويحك !!
أتطالبني بجمع أشلائي
أم بحمل ردائي؟
أتطالبني بستر جسمي العاري
أم بطرحه للكلاب؟
أنت المغتصب و القاضي
أنت المدافع و الجلاد
فالإسلام حلم و رحمة
عفو و مغفرة عند القدرة
أنا التي أنتهك عرضها
فبدل من أن تؤاخذ الكلاب
تعاقب الشاة
و الرعاة تعاتب ضعفها
جلبت الكلاب لتحميها من الذئاب
فصارت الكلاب أشد مكرا من الذئاب

samedi 6 octobre 2012

سأتغير لأجل من أحب


كيف أتغير؟
هل يجب أن أجد كلمات أو مفردات
لم تستعمل من قبل
لم تكتب في أبيات الشعراء
هل من الممكن أن أخلق
ما عجز غيري  في إدراكه
لم أكن ساحرا يوما
و لا نبيا في قومي
ما أنا سوى محب حائر
أسعى لنيل اهتمام من أحب
فلا ربما يجد في كلماتي
شيئا لم يراه غيره
ربما يحس يوما
ما يذهب نومي
ما يخفق لأجله صدري
ما يفرز أحلامي
لترسم له أجمل القصص
ربما أجد طريقا لأرض تجمعني به
فأكسيه بأجمل الأزهار
لترفرف الفراشات في حدائقي
و تنشد الطيور أحلى النغمات
أنا لن أعد بما لا أدري
سأترك الحروف تعلم لساني
عسى أن ينطق بما يرهف إحساسي
و يثلج صدري
ربما أجد معاني لم أدركها سابقا
تعبر على ما تقوله عيناي
في صمتها الدائم
تعبر على ما تلفظه أنفاسي
في استنشاق ما يسحر روحي
و تحن له أشواقي
تعبيرا أقال كل سابقاتي
حينها سأصمت
و لن تسمع ترنيماتي
ففي إبداعها ترفع الساكنات
و تنصب المرفوعات
و تتباين للأنظار المكسورات
سأتغير
لأجل من أحب

vendredi 5 octobre 2012

هيا نحترمو بعضنا؟؟؟



إلى كل من يريد العيش في بلد حرة و ديمقراطية فيها مؤسسات تحفظ حقوق الناس الكل من غني و فقير، من قوي و ضعيف، من كبير و صغير، من إمرأة و فتاة و خاصة من أطفال إلي باش يكونوا مستقبل البلاد،راهي الحاجات هذي ماتجيش بالكلام بركة، وإلا بالطلب المتواصل للحرياة و تكفير بعضنا لبعض و إلا النقد إلي في بلاصتو و إلي موش في بلاصتو، و لا بالعنف، وقت السيف ولى و إنتهى.
 لازم نتعلم إحترام القانون و حرية الناس لخرين، يلزمنا نتغيروا في تصرفاتنا اليومية، كيفاش تطلب من الآخرين إحترامنا و أحنا ما نحترموش بعضنا، كيفاش نستنا من الكفار يحترموا ديننا و قيمنا و أحنا ما نحترموشي.
من لا شيء تسمع الواحد يكفر و يسب و يلعن في الوالدين، و ينعتوا أمهاتنا بأسقط النعوت، تي حتى في تفدليكنا نسبوا ربي بلعب و ضحك، نقولوا يا ولد الفاجرة كاينك تشكر فيه و إلا تعطيه درجة عالية يفتخر بيها.
أقعد ساعة في قهوة عربي و أسمع العرض، و خاصة إذا فيها لعب كارطة، ما يحكيو كان من النص إلوطا، و سبان دين و كفر .... كان تسوق في سيارتك تاكلك الزمامر في كل وقفة حتى و إن كنت تحترم فالأضواء، أما كان ما إحترمتش برى عاد، الكل يولي علماء في السياقة، أما إذا طاحت بناتهم مرى وحدها في كرهبتها يشبعوها سبان و كلام بذيء...
موش ممكن إنلوموا علي إيورينا عورتنا مادام أحنا رضينا إنعريو رواحنا.
كيفاش تستنا من الغربيين يقدرونا و أحنا كيف تمشي أولادنا للغرب باش يدبرو خدمة، يبيع الغالي و الرخيص باش يحرق، و يعرض روحو للموت، قال شنوة باش يدبر خدمة و يعيش بكرامتو.
من النهار الأول  يلوجو على المخدرات و الحشيش و الفساد على خاطرهم يمثلو اقصر طريق باش يدبر برشة فلوس   أهوكا عاد كيف يروحو في الصيف يفيسو على ولاد البلادهم
الحكاية هذي يعرفوها الناس الكل من والدين، للشباب إلي يحلم بأروبا، الكل يعرف إلي طريق الفلوس هي الزنى و المخدرات، و يعرفوا إلي في 80 بالمأة يهزهم للموت، لكن رغم هذا يمشيو للموت بساقيهم و فلوسهم.
 و المصيبة إلي أغلبية منهم يبيعو شرفهم إذا موش حاجة أخرى، إلي بيه الفايدة يصور الأورو  و يجيب كرهبة تستر فضايحو.
يلزمنا نتعلموا نحترمو بعضنا، إنقصو من الكلام الزايد، سبان الدين و الكذب، يلزم إنقصو من تمزبيل النساء متاعنا، إلي الوحدة ما توصل الصباح للخدمة إلا ما تسمع 100 كلمة موش في بلاصتها، واحد يبزنس، لاخر كلام قبيح، يلي بيك يلي عليك، و الجديد عاد بر إستر روحك، و هات من هاك اللاوي...
خلي كان عاد تروح إمخر من الخدمة و إلا تخرج تسهر باش تتفرهد، لا يوريك و لا يروعك، لاواحد يرحمها، يردوها فاسدة و إلا مجرمة في كلمتين، و لا حد يقول فيها كلمت خير، تي حتى كان تتعرض إلمصيبة من براكاج و إلا سرقة و إلا إغتصاب، الكل يحملها المسؤلية، على خاطر في بلادنا المرأة في الواقع ما عندها حتى حق.
إذا ما نوصلوش باش نحترمو  النساء في بلادنا، إلي هوما في الأصل أمهاتنا، أزواجنا، إخواتنا و بناتنا مستحيل باش نتقدمو و لا باش إنكونو دولة عندها قيمة بين الدول.
باش نتمتعو بحاجة (سوى حرية وإلا ديمقراطية) يلزمنى إنحققوها أولا و قبل كل شيء، إمبعد يلزمنا إنحافظو على مكاسبنا و مؤسساتنا إلي ولاة كيف قصور الرمل من نفخة الكل إطيح في لمح البصر.

أنا عمري ما كنت أقصد



أنا عمري ما كنت أقصد
أمشي وراك
أتبع خطاك
أتعلق بيك
أحبك
و لا أقدر أعيش من غيرك
أنت المنى
أنت أحلام تراودني
حين طال سهادي
أنا عمري ما كنت أقصد
أشغل هواك
أتمنى رضاك
أعشق مشيتك
أسعد بلمستك
أسرح في دنيتك
ألبسك أحلى الديباج
و أخلي أيامك أفراح
بمناسبة و من غير مناسبة
أنا عمري ما كنت أقصد
أنصت لغناك
أرقص على نغمك
أنشد كلماتك
أستمتع بريحتك
إلي تنعش مهجتي
و أجعل من أيامك أعياد
لا تنتهي
أنا عمري ما كنت أقصد
تكويني نارك
تسجني يديك
أصبر على ظلمك
ألقالك 1000 عذر يكفر فعلتك
أسهر أستنى كلمة منك
تعوض صبري و حيرتي
في إيقاف دموع ما تنتهيش
أنا عمري ما كنت أقصد
غير أعيش معاك العمر كلوا
أحميك برموش عيوني
أدفيك في سكون حضني
أرسملك كل شيء جميل
أبنيلك بيت من زجاج و حديد
يكون مرآة على العالم كلوا
تضويه الشمس من كل مكان
تغمرو ضحكتك
بسعادة ما تنتهيش

lundi 1 octobre 2012

الهوى


تعودت جلوس البحر
و محاكاة الأمواج
تعلمت أرصد حركاتها
من مد و جزر
فتقلب و ارتفاع
و كان في سكونها رقة
ترتجف لها القلوب حبا و اشتياقا
لكنها تخفي بطياتها
عمقا كله أخطارا
لا يدركها إلا محب صادق
لم يغفل للحظة عن نغمها
ففي موسيقاها ألحانا
تحدث أشعاره
و في حركاتها لمسات
تنعش إحساسه و أحلامه
تعودت سهر الليالي
أرصد القمر في تغيراته
و أراقب سحر النجوم
و تواتر رسومها
للوحات فريدة
لا يعلم خطوطها
إلا من كان بالعشق متيم
يرى فيها وجه حبيبه
فتسكنه رقة ووصال
و ينساق في صور من وحي خياله
لها ألوان متفرقة
تكاد ترقص النجوم
و تخرج بهجة القمر
من خلف السحاب
لتضيء ظلمة الليل
و تتباين النجوم كعقد لؤلؤ و زمرد
لم تصنعه يد بشر
و لن تجد بأعماق البحار أمثاله
يمسك العقد بين يديه
و يقدمه هدية لحبيبة
ملت انتظار تحقيق أحلامه
حبيبتي لا تيأسي و لا تحزني
فبين البحر و السماء هواء
هواني و هواك تنفسه
فعشقناه طوعا
و صرنا في درب الحب سواء